Montessoriren urtebetetzeak

Oraingoan ipuin bat kontatuko dizuet:

Ba zen behin Maria Montessori izeneko emakume bat. Bere bizitzan gauza asko egin zituen (hurrengo baten azalduko dut) eta horietako bat eskola manipulatibo bat sortzea izan zen. Eskola hauetan norbaiten urtebetetzea denean bere bizitzarekin ipuin txikitxo bat egiten dute. Urtaro desberdinez osatutako maindire bat jartzen dute eta erdian mundu bat eta eguzkia errepresentatzen duen bela bat. Urteak betetzen dituenaren argazkiak jartzen dituzte erdian    eta bere bizitzaren historia kontatzen hasten dira. Adibide moduan nik nere seme Markelena egingo dut laster bere urtebetetzea delako:

" Orain dela 9 urte, 2007ko Apirilaren 12an Markel izeneko mutiko bat jaio zen eta momentu horretatik aurrera mundua Markelekin batera eguzkiaren inguruan biraka hasi zen. Markel Apirilean jaio zenez, udaberriari dagokion zatian jarriko dugu mundua. Munduak bi bira mota ematen ditu bat eguzkiaren inguruan eta horrela urtaro desberdinetatik pasatzen gara eta bestea bere ardatzaren inguruan eguna eta gaua sortuz( Montessori beti azpijokoan ibiltzen zen guzti honekin mundua eta birak azaltzen zituen). Lurra eguzkiaren inguruan biraka dabilela, urtaro guztiak pasatuz berriz udaberrira heltzen gara eta orduan Markelek urte bat egin zuen"( eta umearen argazki desberdinak erakusten dira)............eta horrela umearen bizitzan gertatu diren gauza on guztiak kontatzen ditugu argazkiez lagunduz, kasu honetan bederatzi bira eman arte.
Amaitzeko ZORIONAK ZURI kantatzen dugu eta bela itzaltzen du.

Urte askotan zehar gurera hurbiltzen diren umeekin egin dugu hau baina ez geneukan Montessoriren mandirerik, non urtaroak eta hilabeteak agertzen zirenik, beraz guk egitea erabaki dugu. Gure mateko tailerretara gerturatzen diren gazte eta umeek egin dute, lan taldean.
ESKERRIK ASKO OSO LAN POLITTA EGIN DUZUE!!!!
Hemendik aurrera badekogu maindirea urtebetetzeak ondo ospatzeko!!!

ELKARRIZKETA

Ikastaroa amaitzen dago eta ikasleen proiektuak ikusten nengoela(Bikainak dira!!!) ikastaroa hasi aurretik egin zidaten elkarrizketa batez gogoratu naiz.
Lotura ipintzen dut nahi duenak irakur dezan.
http://www.unibertsitatea.net/blogak/ueu365/2016/02/01/lorena-egidazu-matematika-problema-bati-soluzioa-topatzeko-bide-bat-da/

TAILER BERRIA: MUGIMENDUA ETA IKAS PROZESUA

Denok dakizuen bezala, matematikak lantzeko tailer desberdinak ematen ditut, bai haur eta bai helduei. Matematikak lantzeko orduan, heldutasuna kontutan hartzen dut, gure bizitzako zein puntutan gauden ulertzea eta horrekin lotutako jarduerak antolatzea ezin bestekoa dela uste dut.

Zenbakikuntzari sarrera eman aurretik, hainbat gauza egin behar ditugu. Ez gara zenbakietan zentratu behar, eman behar diren pausoak, ez dute solik matematikak ulertzea helburutzat, ikas prosezua indartzeko disenatuta daude.

Gure haurrek, ikas prozesu erraz bat izan dezaten, kontutan izan behar dugu, 0 eta 7 urteen tartean, bere abilidade motorrak eta sentsorialak eztanda egin behar dutela.

Hori, jolasak, material desberdinak erabiliz eta natura esploratuz lortzen da, Gorputza eta zentzumenak oinarri hartuta.

Gai honetan aditu askok ( Fay, Ayres, Goddard, Audry Mc Allen ), azaltzen duten bezala, ikaste prozesuan zailtasunak dituzten askok, integrazio sensorial eta motor arazoak dituztelako da.

Nire esperintzia, garapen motorra, lateralitatea, gorputzaren 4 zentzumenak eta orientazio espaziala kontutan izan da, urte berrirako tailer berri bat diseinatu dut.

1. Saio hasieran bi aukera izango ditugu: batzuetan deskribapen batekin hasiko gara, hau da, deskribapen bat irakurriko dugu eta parte hartzaileak, entzuten dutena imajinatu beharko dute. Honekin galdeketa bat egingo da.Honen helburua garunean irudiak sortzea izango da. Beste batzuetan kanta batekin hasiko gara, kanta mugimenduaz lotuta egongo da, hurrengo bideoan agertzen direnak bezalakoak,
   
   
   
   
   
   
   
   
   
   
2. Lehen saioan, lurrean jarriko gara eta mugimendu batzuk egingo ditugu, lurrean nola jesarri behar garen azaltzeko, gehienetan lurrean egingo ditugu jarduera guztiak.
   
   
   https://www.facebook.com/video.php?v=599455853526361&video_source=pages_finch_main_video&theater 
   
   
3. Azkenik jolasten hasiko gara: espazioa ezagutu, gorputza espazioan kokatu, kanpoa sentituko, ezaugarriak topatu, ezaugarriak aldatu, logika..... eta dena al denean behintzat MUGITUZ egingo dugu

http://www.vozymovimiento.com/el-movimiento-y-su-influencia-en-el-aprendizaje/

AGUR 2015 eta ONGI ETORRI 2016!!!!!!!

2015 urtea badoa eta ongi etorria eman behar diogu 2016ari.

Ez dut inoiz, balantzerik egiten eta aurten ere ez dut egingo.
Eskerrak ematea gustatzen zaizkit eta ez bakarrik egun hauetan, egunero eskerrak eman beharko genituzkeela uste dut.
Badakizue nortzuk zareten, beti nire ondoan!!! 
BESARKADA bat!!!, hain gustuko ditudan besarkadak energia ematen digutenak.

Maialen Elorzak, Artekale liburudendakoak gomendatu didan liburu honen izenburua bezala, BESARKADA.Uxue Alberdi eta Maite Gurrutxaga.

Besarkada poesiaren eta artearen bidez, samurtasunaren eta fintasun kromatikoaren artean, gorputzen eta arimen arteko batasunari jarritako kantua da. Haragizko besarkadan nola, bat egiten dute mundu sinbolikoak eta fisikoak, intuiziozkoak eta poetikoak. Bidaia bat biltzearen eta askatzearen artean. Bizitzaren eta heriotzaren arteko kulunkan.

URTE BERRI ON ETA BESARKADA BAT

NEURRIAK, ESTIMAZIOA

Aurtengo GARATU-etan, neurriaren ideia agertu da. Nik ikastaroa prestatu nuenean ez nuen gai hau sartu. Kontzeptuak ondo landuta zeudela uste bait nuen: handiago, txikiago, bolumenetan; pisu gehiago edo gutxiago, ordenatu; luzeagoa eta motzagoa; ordenatu handitik txikira eta txikitik handira; non sartzen da gehiago.........
H.Hko irakasleek lan bikaina egiten dute, hizkuntza eta kontzeptuak lotzen baina laguntza eskatu zidaten eta nik ekintza batzuk planteatu dizkiet.
Beti estimazioa erabiliz!!!
Jarduera hauek hurrengo bidioetan azaltzen ditut, ea lagungarri suertatzen zaizkizuen !!!

PREST GARA

Aurten ere, zorionez, ikastaro hauetan parte hartzen dut, nire ikastaroaren izena hauxe da: 018 matematika eskuekin eta baliabideekin

Astelehenean izan zen aurrez aurrekoa, DONOSTIAN.
Eskerrak eman behar diet Oihana Gardoki eta Ireide Arriolabengo-ari dena oso ondo prestatu zutelako.
Nire helburuetako bat ikastaro honekin partekatzea da, hau da, guk geletan erabiltzen ditugu materialak denok erabili ahal izatea.
Horregatik, ikastaroko azken puntua PROIEKTUA da. Proiektu honetan partaide bakoitzak berak sortutako material manipulatibo bat edo gelan jada erabiltzen duen bat azaldu beharko du. Idatziz izan beharrean bideo bat egin beharko du (nire ikastaroa bideoz beteta dago).
Aurreko urtean oso ondo irten zan!!!
Penaz geratu ginen, azken saiorik ez zelako egon. Azken saio horretan bideoak komentatzea nahi genituen: zergatik aukeratu dugu material hori?, ze helbururekin?, probatu al duzu gelan....

Horregatik, aurten UEU -koekin hitz egin eta gero azken saio bat egongo da. Hau hautazkoa da, hezkuntzak bere programan ez duelako jarri.
Eskerrek eman behar dizkiot UEU ri bere egoitza eta laguntza prestatu didalako.
Asteleheneko aurrez aurrekoan azken saioaren aukera komentatu gendunian, denek oso interesagarria izango zela esan zuten, horrela material askorekin elkartuko zirela, hori baita helburuetako bat.

Beste helburuetako bat zein da? espazioa zabaltzea, umeak entzuten ikastea.
Baina hori ikastarora apuntatu zareten denok horrela ikusten duzuela argi utzi zenidaten aurrez aurrekoan.
Guzti honekin, eskerrak eman nahi diet ikastaroan izena eman duten guztieki, beteta dago ikastaroa eta batzuk kanpoan geratu direla esan didate, sentitzen dot!
Zuen laguntzaz ikastaroa bizi-bizia izango dela ziur nago!!!!.
Aurrez aurrekoan erabili nuen prezia jartzen dut, ideia bat izateko!!

IKASTAROKO AURKEZPENA

ONLINE, ATE BAT GEHIAGO

Blog hau sortu nuenean, begiak zabaltzea nahi nituen, nireak eta besteenak eta horretarako niregana etortzen diren ume, gazte eta helduekin egiten ditudan gauzak azaltzen hasi nintzen.Horrek asko lagundu dit, matematika oinarri dituzten gai ezberdin asko ukitu ditut ibilaldi honetan. 
Ikastaro guztiak, aurrez aurrekoak izatea gomendatzen dut beti, baina ulertzekoa da gaur egun daukagun bizimoduarekin saila dela.Askoz errazago da etxean ikastea. Zure denbora zuk antolatzen duzu zure beharren arabera.Garatuetan izan dudan esperientzia eta gero, esan beharra daukat aurreko ikasturtean pilo bat ikasi nuela ikasle bikainak izan nituen asko erakutsi zidaten, horretan oinarrituta ikastaroak online eskaintzen hasiko gara. 
Aurten DBHko ikasle batzuen eskaera kontutan izanda, ikas tekniken ikastaro batekin emango diogu hasiera abentura berri honi.Informazio gehiago nahi baduzue, badakizue non gauden.